Qindra naftëtarë të kompanisë ARMO kanë dalë në protestë para UPN-së Fier. Protestuesit kërkojnë që nafta bruto shqiptare të mos shkojë të përpunohet jashtë kufijve të Shqipërisë, por në ish-KPTHN Ballsh dhe UPN Fier. Ata thonë se këto të fundit i kanë kushtet teknologjike për përpunimin e naftës.
Kështu, protestuesit thonë se kjo do bënte të mundur që ata të punonin gjatë gjithë vitit me kapacitet të plotë teknologjik dhe jo si tani që punojnë vetëm 6 muaj në vit.
Po ashtu, specialistët e naftës që morën pjesë në këtë protestë, thonë se përpunimi i naftës brenda vendit bën të mundur edhe uljen e çmimit në treg.
