Kreu i prezencës së OSBE-së ne vendin tonë, ambasadori Borchardt ka theksuar sot së është në mbështetje te protestës së studenteve, për sa kohë që ajo është paqësore.
Deklaratën ambasadori Borchardt e ka bërë nga Shkodra, ku OSBE dhe Universiteti i Arteve hapen në hollin e bashkisë së Shkodrës, ekspozitën “Krimi mjedisor”.
“Unë e mbështes protestën për sa kohë është paqësore”- tha ambasadori, ndërsa u shpreh se është në mbështetje edhe të dialogut.
Ekspozita-konkurs me punime të studentëve të Universitetit të Arteve u hap fillimisht në Tiranë, në qershor të këtij viti, ndërsa në tetor-nëntor udhëtoi në Korçë.
Të pranishëm në çeljen e ekspozitës, e cila do të qëndrojë e hapur deri më 31 dhjetor, kryetarja e bashkisë së Shkodrës, Voltana Ademi.
Ambasadori Borchardt u shpreh se krimi mjedisor është një shqetësim për Shqipërinë pavarësisht reformave që janë bërë. Janë vetëm 32 raste që kanë shkuar në gjykatë.
