Zëvendës kryeministri Erion Braçe ka ironizuar thirrjet e opozitës ndaj shqiptarë që të mblidhen për protestën e 16 shkurtit.
Duke u fokusuar të ulja e taksës ndaj biznesit të vogël e të mesëm, Braçe tha se qytetarët nuk kanë përse të dalin e të protestojnë.
“Për çfarë të mblidhen qytetarët, për menderen dhe karrigen e Bashës?”, ironizoi zëvendës kryeministri Braçe.
Fjala e Braçes:
Iku Luli, iku dhe Taulanti. Që nga 1 janari kemi rimbledhur shqiptarët. Jo për qëllime të pastra politike, por për interesat e tyre ekonomike. Çdo thirrje që vjen sot për t’u mbledhur nuk ka lidhje me qytetarët e këtij vendi, ka lidhje vetëm me interesat e një grushti njerëzish. Kemi rimbledhur sipërmarrësit e vegjël që nga 1 janari do e kenë aktivitetin me vetëm 5% të tatim fitimit. Nuk ka numër më të madh se sa ky që kemi rimbledhur ne me politikën fiskale për biznesin e vogël dhe të mesëm.
Do duhet një punë akoma më e madhe që masa fiskale të kthehet në produkt të prekshëm për çdo bujk të vendit. Përjashtuam nga TVSH inputet bujqësore. Ky grup parlamentar e bëri realitet pas 23 vitesh. Për çfarë të mblidhen qytetarët, për menderen dhe karrigën e Bashës?
Jo, fshatarët dhe bujqit janë në vendin e tyre./ TIRANA TODAY
