Pak orë pas bllokimit të rrethrrotullimit te Zogu i Zi, studentët kanë vendosur që të largohen drejt Kryeministrisë. Kështu, tashmë është çbllokuar rrethrrotullimi i Zogut të Zi, pas largimit të studentëve për t’iu bashkuar grupit që vijon të qëndrojë para Kryeministrisë.
Protesta në ditën e 13-të nisi para Kryeministrisë, e më pas u shpërnda në tre pika, te Zogu i Zi si dhe para Bankës së Shqipërisë, te Dollari.
Studentët insistojnë në plotësimin e 8 kërkesave, ndërsa nga ana tjetër kryeministri insiston në dialogimin e këtyre pikave, gjë që ka sjellë ngërç në zgjidhjen e problematikave të studentëve.
