Kryetari i Partisë Demokratike, Lulzim Basha, sulmoi sërish televizionin Top Channel, si një media që jep lajme të rreme dhe paralajmëroi policinë, në rast se guxon të preki protestuesit.
Sipas kreut të opozitës, “Top Channel” dha sërish “fake news”, lidhur me deklaratën e Policisë së Shtetit për protestën e ditës së nesërme.
Po ashtu, Basha ju drejtua me tone të ashpra forcave të policisë, duke iu kujtuar ligjin, në rast se guxojnë të prekin protestuesit.
“Do vëzhgoheni e regjistroheni nga toka e ajri, do përballeni me forcën e plotë të ligjit, nëse guxoni të prekni qytetarët. Tani ligji kërkon që policia të njoftohet dhe jo të japë leje. E paprecedentë, keqpërdorimi politik që i bën policisë Edi Rama”, tha Basha.
