Marsida Qatja është marrë nën hetim nga Prokuroria e Durrësit, pasi akuzohet për përshtatje të banesës së saj për mbajtje dhe përdorim të lëndëve narkotike.
Sipas nenit 285/a, ndalohet përshtatja ose lejimi për përshtatjen e lokalit, banesës, për grumbullimin e personave me qëllim që ata të konsumojnë substanca narkotike, dhe se personat që kryejnë shkeljen e kësaj vepre penale rrezikojnë deri në 5 vjet burg.
Qatja është marrë disa herë në pyetje për të dhënë dëshminë e saj lidhur me ngjarjen e ndodhur në Kavajë 6 ditë më parë, ku mbeti i vrarë Dritan Haxholli dhe u plagos Bledar Toci. Rezultojnë që deklaratat e dhëna sa i përket përdorimit të drogës dhe marrëdhënies me Dritan Haxhollin, kanë qenë kontradiktore.
