Prokuroria ka kërkuar masën “arrest me burg” në mungesë për Arbër Çekajn, pronarin e “Arbri Garden”, i cili dyshohet se ka porositur 613 kg kokainë në Kolumbi, të cilat u kapën në Maminas.
Çekaj u largua një ditë para sekuestrimit të kokainës në Gjermani së bashku me bashkëshorten e tij. Ai foli në një lidhje telefonike për News 24, ku dëshmoi se ai është i pastër dhe se po abuzohet me emrin e tij, ndërsa shtoi se së shpejti do të kthehej në Shqipëri për t’iu dorëzuar policisë.
Por, teksa kanë kaluar disa ditë nga deklarata e tij, ai ende nuk është kthyer nga Gjermania, ndërsa Prokuroria kërkon që të jepet masa “arrest me burg” në mungesë ndaj tij.
