Ish-kryetari i bashkisë së Vlorës, Shpëtim Gjika është njohur me kërkesën e prokurorisë së qytetit e cila ka kërkuar 9 vite burg për këtë të fundit.
Kërkesa e prokurorisë është bërë sot gjatë seancës në ngarkim të tij, në vijim të hetimit të nisur ndaj tij në vitin 2015 për “shpërdorim detyre”, ndërtim të paligjshëm, falsifikim dokumentesh.
Pas akuzave, Gjika u prangos n1ëe fund të shkurtit të vitit 2016. Ai u arrestua pas akuzave për ndertimin e një pallati 11-katësh në Vlorë, për të cilin është arrestuar edhe një biznesmen, ndërtuesi Artur Haxhi.
Aso kohe Prokuroria e Përgjithshme njoftoi se Shpëtim Gjika ka bashkëpunuar me të arrestuarën tjetër Doriana Sulaj, duke lëshuar dokumenta me përmbajtje të falsifikuar që më pas kanë sjellë ndërtime të paligjshme në qytetin bregetar.
Prokuroria tha se gjithçka ka nisur pas kallëzimit të qytetares S. Osmani, kur dhe është regjistruar proçedimi penal numër 1264, që i përket vitit 2014.
Sipas akzues, dokumentat janë falsifikuar në katër episode, tre prej të cilave kanë lidhje me tre vendime të datës 17 janar 2011 të KRRT-së Vlorë, ndërkohë që e katërta i përket lejes së ndërimit në qershor 2013.
Prokuroria e Përgjithshme sqaroi pas arrestimit se, në mbledhjen e KRRT-së më 17 janar, duke u nisur nga përmbajtja e protokollit të kësaj mbledhjeje, nuk rezulton të jetë marrë në shqyrtim një kërkesë e tillë për shesh apo leje ndërtimi nga pronarët e truallit, apo edhe nga subjekti ndërtues.
Nuk rezulton gjithashtu që kjo leje të jetë miratuar në favor të pronarëve të truallit. Dokumentat me përmbajtje të falsifikuar thuhet se janë përdorur nga administratori dhe përfaqësuesi i shoqërise ndërtuese “Turi M.Z.B”, shtetasi Artur Haxhi.
Ate kohe bashke me Gjikën u arrestuan edhe drejtoresha Sulaj dhe ndërtuesi Haxhi.
