“Krerët kroatë të pranojnë të kaluarën dhe të punojnë për bashkim” ishte kërkesa e prokurorit i Gjykatës Penale Ndërkombëtare për ish-Jugosllavinë (TPIY), Serge Brammertz. Kërkesa e Brammertz erdhi pas vetëvrasjes së kroatit Slobodan Praljak i dënuar për krime lufte.
“Është një fatkeqësi që Praljak zgjodhi t’i japë fund ditëve të tij. Por ju duhet të kuptoni se mendimet e mia shkojnë për viktimat dhe për të mbijetuarit e krimeve për të cilat ai u dënua”, deklaroi sot Serge Brammertz
Të mërkurën, Slobodan Praljak bëri vetëvrasje duke gëlltitur përmbajtjen e një shisheje të vogël në një sallë audience të TPIY-së, shkruan ata.
Praljak bëri vetëvrasje kur morri konfirmimin e dënimit të tij me 20 vite burg për krime lufte dhe krime kundër njerëzimit të kryera gjatë luftës në Bosnje (1992-1995).
