Fushata e protestës nga ana e aktorëve për projektin e Teatrit Kombëtar ka vijuar edhe sot. Një numër i konsiderueshëm artistësh që janë kundër projektit të ofruar nga qeveria për Teatrin janë mbledhur për të protestuar. Mes tyre ishte edhe aktori i madh Robert Ndrenika teksa foli sot në takimin e radhës së artistëve për projektin e Teatrit Kombëtar. Ndrenika u tregua i ashpër në ligjëratën e tij kundër nismës së qeverisë teksa theksoi se edhe ndërkombëtarët janë kundër këtij projekti mafioz.
“Mua më tha dikush që edhe ndërkombëtarët s’janë dakord me këtë partneritetin privat, ca të them, të na lënë prapë …Kico Londo këtu ka gjetur dy ustallarë nga Maqellara dhe e ka mbajtur shumë mirë, prandaj këtu vjen era kusari, era hajdutllëk”, tha ai.
