Studiuesit dhe kërkuesit e “Blue Planet” thonë se deti është vendi ku mblidhen më shumë produkte plastike, dhe se të filmosh një sipërfaqe deti të pastër konsiderohet e rrallë ditët e sotme. Por si ndikon plastika te krijesat e detit?
“Plastika gjendet kudo në det, nisur nga fijet e rrjetave plastike të peshkimit, mbështjellësve ose shisheve të ndryshme”, tha Sarah Conner.“Kur ne vëmë re mbeturina gjatë udhëtimit në det të hapur, bëjmë të pamundurën për të ndaluar dhe për t’i marrë”.
Plastika i ngatërron krijesat në oqean, dhe shumica e breshkave të ujit kapen nëpër rrjeta plastike.
“Disa shkencëtarë mendojnë se plastika në dete është kërcënim për mirëqenien e prejardhjes njerëzore në oqean. Kjo mund të kontribuojë në rritjen e niveleve të ndotjes kimike edhe në habitatet e grabitqarëve të mëdhenj, si balenat”, thotë prodhuesi ekzekutiv, James Honeyborne.
Gjithashtu grimcat e vogla plastike luajnë një rol të rëndësishëm në përhapjen e ndotjes industriale në botën detare. Raportohet se gëlltitja e produkteve plastike ka shkaktuar vdekjen e shumë krijesave të detit, nga breshkat deri te albatrosët.
Në një rast, ekuipazhi duhej të shpëtonte një balenë e cila ishte ngatërruar brenda një kilometër litarë dhe po përpiqej të notonte.
“Ekuipazhi qëndroi me balenën për nëntë orë, derisa ekipi i shpëtimit hoqi litarët dhe balena notoi e lirë”, tregoi James Honeyborne.
Ndërsa në Gjeorgjinë Jugore ekipi ka hasur një situatë tjetër, ku albatrosi ushqente fëmijët e tij me plastika.
“Prindërit kishin marrë letra plastike në det, duke menduar se ishin ushqime dhe i kishin ushqyer me to zogjtë e tyre. Një zog i vogël kishte ngordhur nga një kruajtëse dhëmbësh që i kishte shpuar stomakun”, thotë James Honeyborne. (TIRANA TODAY)
