Sa i përket procedimit penal të disa studentëve dhe profesorit Edmond Tupja, të cilët u cilësuan si organizatorë të protestës që vazhdon prej 8 ditësh në Tiranë. Kryeministri Rama i ftuar në “Opinion” ka përgënjeshtruar këtë lajm duke akuzuar median, se ishte faji i tyre që ky lajm absurd u përhap me aq shpejtësi.
“Kjo nuk është e vërtetë, pasi nuk ka procedim penal për Edmond Tupen dhe asnjë tjetër. Kjo gënjeshtër u krijua nga kazani mediatik dhe u përhap me shpejtësi”, u shpreh Rama.
Ndërsa gazetari Robert Rakipllari ka nxjerrë njoftimin e dërguar nga Policia e Shtetit ku thuhet se ka nisur procedimi penal dhe është renditur lista e personave. Ditën e sotme ishte edhe ministri i Brendshëm, Sandër Lleshaj i cili u shpreh se nuk ka asnjë procedim penal. Ndërsa kryeministri Rama u justifikua me faktin që ishte një reagim pasi kishin shkruar mediat, por që nuk rezulton e vërtetë.
