Protesta e studentëve çdo ditë e më shumë po zbardh disa nga skandalet më të mëdha të institucioneve shqiptare. Duke filluar me arrogancën e qeverisë duke i quajtur ditën e parë ngelësa, dhe më pas kryeministrin që lutet për dialog.
Protestat paqësore të studentëve në disa raste u pa si shkelje e ligjit nga Policia e Shtetit. Për këtë arsye policia ditën e djeshme më orën 12:00 në mesditë deklaroi së ka filluar procedim penal ndaj disa personave. Në mesin e të proceduarve ishin dhe profesor Edmon Tupja dhe artisti Robert Aliaj.
Por sot në një deklaratë në Parlament, ministri i Brendshëm, Sandër Lleshaj theksoi se nuk ka asnjë procedim penal ndaj asnjë studenti apo profesori apo qytetari për protestat. Ai madje tha se do të mbajnë përgjegjësi ata që nuk përgënjeshtruan këtë lajm të rremë.
Por ministri ose gënjeu paturpësisht para gjithë shqiptarëve, ose nuk ka farë dijeninë së çfarë ndodh në institucionin që ai drejton. Vërejtja e rëndë ndaj ministrit vjen sepse:
E para, njoftimi zyrtar për procedimin penal për personat pjesëmarrës në protestë u bë në platformën e komunikimit “Whats App” të Policisë së Shtetit me median.
E dyta, policia e shtetit publikoj njoftimin e plotë në faqen e saj zyrtare në “Facebook” për procedimin penal për personat pjesëmarrës në protestë.
Këto dy fakte janë të pakompromentueshme sepse këtë e kanë publikuar dhe mediat televizive duke përgënjeshtruar deklaratë e ministrit Lleshaj sot. Nuk ka asnjë mundësi që ministri i Brendëshëm të mos ketë informacion. A nuk ka ai komunikimin me Drejtorin e Përgjithshëm te Policisë. Në këtë situatë lind puejta se kush e drejton Policinë e Shtetit dhe Ministrinë e Brendshme, transmeton Tirana Today.
Për këtë deklaratë reagoi dhe gazetari i kronikës Flamur Vezaj deklaroi se Sandër Llesha është kukulla e kryeministrit Edi Rama, me fjalimin e ministrit në Kuvend. Leshi tregoi edhe njëherë se është ne atë detyre thjeshte për te marr një rroge dhe ngaqë nuk ka vëlla e kushërinj trafikant droge!
“Por këtë nuk e ha njeri! Shefi yt dhe ju, duke pare reagimin qytetare për procedimin qe niset, sidomos për trafikantin e fjalëve erotike profesor Edmond Tupja, ndërruat mendje dhe njoftimet tuaja i cilësoni kazan! Po s’ke faj ti jo, kjo është propaganda qe ka ngritur kjo rilindje!”, shton Vezaj në Facebook.
Postimi i plotë i Flamur Vezajt
O Llesh ke ik për lesh!
Ministri i Brendshëm alias kukulla e KM me fjalimin e tij ne Kuvend, tregoi edhe njëherë se është ne atë detyre thjeshte për te marr një rroge dhe ngaqë nuk ka vëlla e kushërinj trafikant droge!
Po cbene more Llesh, a nuk ke komunikim me Drejtorin e Përgjithshëm te Policisë?! Apo nuk te raporton ty fare Drejtori?! Ore edhe mund te thuash se “ndryshe nga ish-koleget e tu qe ikën nga ky institucion ti nuk flet me ëhats-up me policet”!
Por këtë nuk e ha njeri! Shefi yt dhe ju, duke pare reagimin qytetare për procedimin qe niset, sidomos për trafikantin e fjalëve erotike profesor Edmond Tupja, ndërruat mendje dhe njoftimet tuaja i cilësoni kazan! Po s’ke faj ti jo, kjo është propaganda qe ka ngritur kjo rilindje!
#suksese_ne_daljen_tjetër#
#MESTUDENTETE#
