Turma të mëdha njerëzish pritet të marrin pjesë në varrimin e Konstandinos Kacifas. Madje, shumë autobusë po përgatiten për nisjen e tyre mbrëmjen e sotme nga Athina.
Teksa pritet që fluks i madh personash të hyjnë në pikën e Kalimit Kufitar të Kavajës, policia shqiptare dhe ajo greke kanë intensifikuar komunikimet për shmangien e çdo incidenti.
Në Kakavijë do të ketë zyrtarë shqiptarë dhe grekë, të cilët do të shkëmbejnë informata mes policisë në të dy vendet.
Policia shqiptare ka hartuar një plan të veçantë masash, ku pritet të përfshihen forca të shumta policore. Për të shmangur vonesat në hyrje dhe pritjen e gjatë, nga të dy vendet është rënë dakord për shtimin e sporteleve në pikat e kontrollit të pasaportave.
Mendohet se në varrim do të marrin pjesë më shumë se 2000 njerëz.
