Mbrojtësi i djathtë maroken Achraf Hakimi është njëri prej objektivave kryesorë të merkatos së verës për Juventus.
Mediat italiane raportojnë se futbollisti i Real Madrid, i cili aktivizohet prej dy sezonesh me Borussia Dortmund, është shënjestruar nga drejtori i klubit juventin Fabio Paratici si njëri prej lojtarëve të duhur për të kaluar gjatë verës në Torino.
Vetë Hakimi ka deklaruar se do të bisedojë në fund të sezonit me drejtuesit e Realit për të ardhmen e tij, pasi Zidane kërkon ta rikthejë në skuadër, por drejtuesit ende nuk i kanë ofruar një kontratë të re lojtarit.
Chelsea, PSG dhe Juventus janë 3 klubet që kanë shprehur interesim të hapur për 22-vjeçarin.
