Pretendimet e Jarl Ale de Basseville nuk kanë të mbaruar. Më parë ai ka pretenduar se rrjedh nga Libofsha, duke shprehur synimet për të themeluar principatën e tij. Kërkesa e dytë është edhe më sfiduese për “Princin e Libofshës” pasi kërkon të flak kryeministrin Rama nga posti. Ai ka shprehur ambicien dhe dëshirën për të qeverisur Shqipërinë, me pretendimin se Rama nuk është për këtë punë.
Prej kohësh ai i ka shkruar kryeministrit Rama në rrjetin social Twitter duke kritikuar punën që bën, pasi sipas tij, fjalët dhe premtimet e Ramës, janë të gjithë gënjeshtra. Princi i vetëshpallur i drejtohet Ramës me “iCloud”, por nuk dihet domethënia e kësaj fjale.
“Princ i Libofshës” krahason Shqipërinë më Afrikën duke i sugjeruar Ramës të hapë krahun dhe vendin e tij ta marrë ai. Sa qesharake, aq edhe të vërteta pretendimet dhe shqetësimet e tij, pasi në disa zona të kryeqytetit shpeshherë mungon energjia elektrike.
“Pse nuk ka energji elektrike në kryeqytet zoti iCloud. Shteti tënd duket si Afrika. Vend i botës së tretë. Ndalo me premtime, premtime, premtime. Kthehu te pikturat e tua dhe më ler të merrem unë me këtë punë”-shkruan “Princi i Libofshës”
