Në një dhomë sekrete të yllit të muzikës, Prince, është zbuluar një arkiv me regjistrime audio-video, në Paisley Park.
Sipas prestigjiozes “The Sun”, janë zbuluar qindra këngë të patreguara më parë. Zbulimin e ka bërë motra e këngëtarit, i cili vdiq në 21 prill në rezidencës e tij në Minneapolis.
“Ylli ka dashur ti publikojë ato materiale, prandaj sapo të mundem do të bëj atë që ai dëshironte”, thotë e motra. Shumë shpejt në nder të tij do të hapet një muze, dhe gjithçka do të jetë pjesë e tij.
Ndër të tjera në 21 tetor, në O2 Arena të Londrës, do të inaugurohet një ekspozitë dedikuar gjeniut të Minneapolis. Kitarat dhe kostumet e turneut që lidhen me albumin ‘Purple Rain’ (1984-1985) dhe ‘Lovesexy (1988-1989), do të jenë pjesë e ekspozitës.
