Preu vetë dorën që të merrte paratë e sigurimeve, por 22-vjeçarja Julija Adlesic e cila fare mirë mund të kishte të ardhme në modeling, tashmë është në qeli. Një mëndje djallëzore mund ta bëjë këtë!
Plani i së resë me partnerin dështoi, e ndërsa provat e siguruara hodhën në dritë këtë ngjarje. Të dy partnerët, një vit më parë kishin firmosur kontrata me pesë kompani sigurimesh. Kjo e ka bërë të dyshimtë aksidentin e pretenduar të vajzës.
Julija Adlesic pretendon se ishte një aksident, por një gjykate në Ljubjanë vendosi se ajo e kishte prerë qëllimisht dorën e saj të majtë, për të përfituar mbi 1 milion euro nga sigurimet.
22-vjeçarja thuhet të ketë rënë dakord me të dashurin e saj që ta prisnin dorën, duke filluar mbi pjesën e kyçit. I dashuri i saj u dënua me tre vjet heqje lirie, ndërsa i ati me një vit burg. Vetë Julija do të qëndrojë dy vjet prapa hekurave. Në spital ajo tha se ishte lënduar duke prerë dru.
Prokurorët provuan përpara gjykatës se disa ditë përpara ngjarjes, partneri i 22-vjeçares kishte kërkuar në internet informacione sesi funksiononin protezat e dorës.
