Pas vendimit të shkarkimit të trajnerit të Manchester United, José Mourinho, po mendohet për të gjetur drejtuesin e ri. Ndër më favoritët për këtë pozicion është Zinedine Zidane. Francezi aktualisht është jashtë punës, që kur ka lënë Real Madridin në verë, ku ka arritur të fitojë tre tituj të Ligës së Kampionëve, dhe mbetet një mundësi e mirë për të zëvendësuar Mourinhon për një kohë të gjatë.
Përpos tij, një emër tjetër i nominuar është Laurent Blanc, për t’u emëruar si kujdestar deri në fund të sezonit, shkruan SP.
Ekipi po kalonte një periudhë të vështirë, dhe kishte kohë që ishte përfolur për një largim të tij. Ish-trajneri qëndroi në krye të ekipit për dy vite e gjysmë, por nuk arriti që ekipi të shkëlqente.
