Tradita e “virgjëreshave” të Shqipërisë shpesh ka marrë vëmendjen e mediave ndërkombëtare. Femrat zgjedhin të vishen si burra dhe të mos mbyllin derën e familjes.
Prestigjiozja britanike ITV, ka realizuar një cikël dokumentarësh për “virgjëreshave” të Shqipërisë. Në shkrim thuhet se “për shekuj në pjesë të largëta të Shqipërisë së Veriut, një traditë e jashtëzakonshme mesjetare është mbajtur duke lejuar disa gra të jetojnë si burra, nëse kanë marrë një premtim të beqarisë. Këto gra të njohura si virgjëresha të betuara u lejuan privilegjet dhe liritë e një burri, shkruan Tirana Today.
Për serinë e re të “ITV’s On Assignment”, gazetarja Penny Marshall udhëtoi për në Shqipëri për të takuar disa nga virgjëreshat e betuara që jetojnë akoma në zonat e thella. Ajo zbuloi se disa morën zotimin nga dëshira dhe zgjedhja dhe të tjerët u detyruan që të mbanin nderin e familjes së tyre kur asnjë mashkull nuk ishte në gjendje ta merrte atë rol. TIRANA TODAY
