Presidentja e Sllovakisë, Zuzana Caputova, është futur në vetëizolim, pasi një prej ndihmësve të saj ka qenë në kontakt me një person që ka dalë pozitiv në testin për koronavirus.
Zëdhënësi i saj është shprehur se Caputova do të jetë në vetëizolim deri të premten, si masë paraprake.
Raportohet se Presidentja i anuloi të gjitha angazhimet, përfshirë edhe takimet e së mërkurës me udhëheqësin e Senatit të Republikës Çeke, Milos Vystrcil dhe me Presidentin e Austrisë, Alexander Van der Bellen.
