Presidentja e Komisionit Evropian, Ursula von der Leyen, ka thënë se embargoja e naftës ndaj Rusisë e shpallur në fillim të kësaj jave nuk do të ishte e lehtë. Ajo tha gjithashtu se BE-ja duhet të zvogëlojë varësinë e saj nga gazi rus, dhe se Rusia nuk është më një partner i besueshëm.
Përfaqësuesit e BE-së do të takohen sërish të premten, në bisedimet që pritet të shkojnë gjithashtu në fundjavë, për të negociuar një paketë të propozuar sanksionesh të BE-së kundër Rusisë.
“Lufta e presidentit rus Vladimir Putin në Ukrainë dhe sanksionet e nevojshme të ndërmarra nga BE, ishin më shumë se një test stresi për ekonominë tonë”, shtoi von der Leyen.
Ajo tha se vendi i BE-së ishte “në anën e Ukrainës”. “Ne duam që Ukraina të fitojë këtë luftë”, citohet të ketë thënë ajo.
E pyetur se cilat do të ishin kriteret për të vendosur nëse Ukraina e kishte fituar luftën, ajo tha se i takon Ukrainës të vendoste se si të negocionte me Rusinë për të arritur një armëpushim.
Burimi i lajmit: BBC. Përshtatur nga Tirana Today
