Presidenti ukrainas Volodymyr Zelensky u prit me ovacione të vazhdueshme nga diplomatët, teksa iu drejtua Parlamentit Evropian, duke u thënë të pranishmëve se vendi i tij “po lufton për mbijetesë”.
“Ne po luftojmë vetëm për tokën dhe lirinë tonë”, tha Zelensky, duke bërë që përkthyesi i BE-së të përfshihet nga emocionet. “Ne dëshirojmë t’i shohim fëmijët tanë gjallë. Mendoj se është e drejtë”.
“Ne po luftojmë për jetën tonë… Ne po luftojmë për mbijetesë. Ky është motivimi ynë më i lartë”, tha Zelensky.
“Por ne po luftojmë gjithashtu për të qenë anëtarë të barabartë të Evropës”, shtoi ai. “Unë besoj se sot ne po u tregojmë të gjithëve se kjo është pikërisht ajo që jemi”.
Zelensky kërkoi që Ukraina të shtohet në BE, me një proces të përshpejtuar të hënën.
Burimi i lajmit: CNN. Përshtatur nga Tirana Today
