Koha e luftërave me shpata ka përfunduar. Tani ato janë pjesë e historisë, dekoreve dhe e ceremonive të veçanta. Ndoshta presidenti amerikan Donald Trump nuk e kishte menduar që mbi kokën e tij do të vërviteshin shpatat e myslimanëve. Trump u gjend vërtet mes shpatave por jo si kërcënim për jetën e tij. Ai dhe disa eksponentë të tjerë të qeverisë, të cilët e shoqërojnë në vizitën e tij në Arabinë Saudite, kanë marrë pjesë në kërcimin ceremonial të shpatave.
Videoja ku Trump kërcen me një shpatë në dorë po bën xhiron e botës. Në video duket sekretari i shtetit Rex Tillerson dhe ai i tregtisë Ëilbur Ross të cilët kërcejnë me shpata në dorë në rresht, me të gjithë burrat e tjerë me veshje tradicionale saudite, ndërsa Trump kërcen i qeshur, repubblica.it.
Kërcimi tradicional i shpatave, i quajtur “ardah”, bëhet në evente të rëndësishme, përfshirë festat fetare apo martesat.
Në të kaluarën edhe lider të tjerë politik, me vizitë në vendin mysliman e kanë kërcyer këtë valle, përfshirë, princin Carlo të Anglisë dhe ish presidentin George W Bush.
