Presidenti i pezulluar, Villar: Spanja jashtë Botërorit? Këshilli i Shtetit përgjegjës

Presidenti i Federatës Spanjolle,  Angel Maria Villar që është i pezulluar pas arrestimit në verë, ka dhënë një deklaratë bombë sa i përket kërcënimeve të FIFA-s për përjashtimin e kombëtares nga Botërori Rusi 2018. Ai theksoi se situate është mjaft e rëndë dhe se shkak për këtë është bërë sjellja e Këshillit të Shtetit, që kërkon të anulojë zgjedhjet në Federatë.

“Këshilli i Shtetit pretendon se Federata nuk po respekton ligjet dhe kërkon të anulojë zgjedhjet, por kjo është e papranueshme dhe e pabazuar në ligj. Nëse FIFA vendos të përjashtojë Spanjën nga botërori, atëherë përgjegjësia bie e gjitha mbi shtetin. Mund të them se situate është mjaft e rëndë”, u shpreh Vijar. Mundësia e përjashtimit të Spanjës ka ngjallur shpresat edhe për Italinë, që u eliminua nga Suedia ne Play Off, por që do të mund të shkonte në Rusi, si zëvendësuese e ‘La Roja-s’.