Presidenti i Republikës, Bujar Nishani dekretoi pak çaste më parë datën e zgjedhjeve të 25 qershorit, si ato parlamentare ashtu edhe ato të pjesshme për kreun e bashkisë së Kavajës.
Nisur nga marrëveshja e 18 majit midis kryeministrit Edi Rama dhe kreut të Partisë Demokratike, Lulzim Basha, Nishani mori parasysh kërkesën për ndryshimin e datës së zgjedhjeve si për kreun e Bashkisë së Kavajës ashtu edhe për ato parlamentare.
“Presidenti vlerëson maksimalisht marrëveshjen e 18 majit. Kjo marrëveshje i jep një nxitje pozitive zhvillimit të vendit dhe procesit zgjedhor. Presidenti vlerëson angazhimin e faktorin ndëkombëtar në zgjidhjen e kësaj krize politike. Presidenti vendosi caktimin e datës 25 qershor të zgjedhjeve si për kreun e Bashkisë së Kavajës ashtu edhe për ato parlamentare” , u shpreh Olsi Lafe, shefi i kabinetit të ministrit Nishani.
