Të shtunën e kaluar presidenti Ilir Meta pranoi dorëheqjen e Fatmir Xhafës, ndërsa ende nuk ka firmosur emrin e ministrit të ri. Ndërkohë që afati për Lleshin skadon sonte në mesnatë. Sipas burime bëhet e ditur se Meta e ka thirrur Lleshin në zyrë që dje, por ai ka shkuar pasditen e sotme.
Zëdhënësi i Presidentit në një njoftim të shpërndarë për median shkruan se “Presidenti nuk krijoi bindjen e plotë për të mbështetur pozitivisht kandidaturën e propozuar”.
Duhet theksuar se kjo është hera e parë që një President nuk dekreton një ministër të ri.
Një javë më parë, pikërisht të shtunën më 27 tetor, Rama njoftoi se kishte emëruar pas dorëheqjes së Fatmir Xhafaj, gjeneral Sandër Lleshin në postin e ministrit të brendshëm. Pak orë pas dorëheqjes, Meta dekretoi shkarkimin e Xhafajt, por jo edhe emërimin e Sandër Lleshit.
Mediat aluduan per arsyet e mosdekretimit të Lleshit nga presidenti, duke shkruar se Meta kërkon te mesojë nga Ministria e Mbrojtjes nëse Lleshi mban ende ndonjë detyrë shtetërore në forcat e Armatosura, pasi sipas Kushtetues, ministri nuk mund të ushtrojë asnjë funksion tjetër shtetëror dhe as të jetë anëtar ose drejtues i ndonjë organi të shoqërisë civile.
Ndërkaq Meta deklaroi mbrëmjen e së premtes në një emision televiziv se vendimi lidhur me kërkesën për dekretimin e ministrit të ri, do të jetë një vendim kurajoz, duke nenkuptuar vendimin e sotem per te mosdekretuar Sandër Lleshin për postin e ministrit të Brendshëm.
Mosdekretimi i ministrit të ri eshte precedenti i parë në historinë e demokracisë në Shqipëri, që e fuste vendin në një situtatë të paprovuar, vecanerisht në kushtet e mungesës së Gjykatës kushetuese, e cila mund të interpretonte ligjërisht ngërçin e krijuar.
Gjithesesi në postin e ministrit të Brendshëm mbetet ende fatmir Xhafaj, shkarkimi i të cilit nuk miratua të enjten e kaluar nga Kuvendi i Shqipërisë.
