Presidenti i Romës jep “alarmin”: Interi dhe Reali rrëmbejnë dy yje

Roma mbylli një sezon fantastik, duke shkuar shumë larg në Champions League deri në gjysmëfinale. Por duket se grupi i lojtarëve nuk do të jetë më i njëjti për sezonin e ardhshëm dhe priten lëvizje të rëndësishme. Presidenti i Romës, James Pallotta paraditen e sotme ishte në qytetin e Napolit dhe në një intervistë të dhënë për “Areanapoli.it”, konfirmoi zërat rreth situatës së portierit të tij brazilian: “Alisson kushton shumë, 78 milionë euro. Ai është afër Real Madridit, ndërsa Nainggolan do të shkojë tek Interi”.Pas një sezoni, në të cilin ishte portieri më i mirë në Europë, çdo gjë tregon se Alisson mund të mbërrijë te “Los Blancos”. Në konferencën për shtyp nga kombëtarja e Brazilit, Alisson nuk e fshehu se e ardhmja e tij ishte ende e padefinuar dhe se dëshira e tij ishte ta mbyllte atë përpara debutimit në Kupën e Botës, kundër Zvicrës, të dielën.Roma duket se tashmë e ka humbur portierin e saj, edhe pse rivali i madh i Real Madridit për brazilianin, në luftë për të, është ende Liverpool. Jurgen Klopp dhe klubi anglez po përpiqen ta bindin portierin se do të ishte opsioni më i mirë për të, Premier League.