Presidenti i Libanit, Michel Aoun, tha se zjarri i madh në portin e Bejrutit mund të ketë qenë “akt i qëllimshëm i sabotimit” apo incident, dhe se ata që kanë përgjegjësi duhet të jenë përgjegjës.
“Zjarri i sotëm mund të ketë qenë akt i qëllimshëm i sabotimit, rezultat i ndonjë gabimi teknik, injorancës apo neglizhencës. Në të gjitha rastet, shkaku duhet të dihet sa më shpejt që është e mundur”, tha ai.
Ndërkohë kanë nisur hetimet për zjarrin që ka shpërthyer në këtë shtet, një muaj pas shpërthimit masiv që la të vdekur 190 persona.
Zjarri i së enjtes ka nisur në një depo të vajit dhe gomave në zonën e portit pa taksa. Ende nuk është raportuar për ndonjë të plagosur, dhe as për shkakun e zjarrit.
