Presidenti i Këshillit Europian, Charles Michel, pritet të vizitojë sot Tiranën. Ai prej ditësh ndodhet në Ballkan në kuadër të një turi, ku në fokus janë proceset integruese të vendeve që kërkojnë anëtarësimin në BE.
Në orën 10:15 do të zhvillohet Ceremonia në bulevardin pranë Kryeministrisë. Në orën 10:30, do të ketë një takim kokë më kokë dhe takim i dy delegacioneve.
Agjenda e plotë:
Ditën e sotme Kryeministri Edi Rama mirëpret Presidentin e Këshillit Europian Charles Michel në një vizitë zyrtare në Tiranë.
-Në orën 10.15, në bulevardin pranë Kryeministrisë do të zhvillohet Ceremonia e Mirëseardhjes.
-Në orën 10.30, takimi kokë më kokë dhe takimi i dy delegacioneve.
-Në orën 11.15, konferenca për shtyp.
Kreu i qeverisë shqiptare vijon të këmbëngulë se nëse nuk ka një vendim pozitiv për negociatat deri në qershor, Shqipëria do të kërkojë ndarjen nga Maqedonia e Veriut në rrugëtimin drejt anëtarësimit në BE.
