E enjte, 20 Janar, 2022
-1.5 C
Tirana

Presidenti i infektuar dekreton kryeministrin përmes një ‘kutie xhami’

Presidenti çek Milos Zeman, ka dekretuar kryeministrin Petr Fiala, ndërsa qëndronte brenda një kutie xhami pasi rezultoi pozitiv për koronavirusin. Presidenti Milos Zeman dhe Petr Fiala, kryeministri i ri, u ndanë me një mur transparent gjatë ceremonisë në Lany Chateau, pranë Pragës.

Presidenti çek, Milos Zeman, ka emëruar udhëheqësin e një aleance të qendrës së djathtë, Petr Fiala, si kryeministër në një ceremoni që ai e kreu nga një kabinë, pasi rezultoi pozitiv me Covid-19.

Fiala kryeson një bllok prej pesë partish opozitare të qendrës dhe të qendrës së djathtë që fituan zgjedhjet në tetor, duke rrëzuar presidentin aktual Andrej Babiš dhe aleatët e tij.

Zgjedhjet u zhvilluan menjëherë pasi dolën detaje të marrëveshjeve financiare të Babiš-it jashtë shtetit në Pandora Papers. Miliarderi populist 67-vjeçar ka mohuar zhvatjen.

Qeverisë së re do t’i duhet të trajtojë një valë infeksionesh me koronavirus, që po kërcënon të pushtojë spitalet dhe një krizë energjetike, pas rënies së një ofruesi të madh të energjisë elektrike. Koalicioni ka thënë gjithashtu se ka në plan të ripërpunojë buxhetin e shtetit 2022, për të reduktuar një deficit të madh.

“Qeveria e re ka një kohë shumë të ndërlikuar përpara dhe shumë sfida … Unë dua që ajo të jetë një qeveri ndryshimi për të ardhmen”, tha Fiala në një konferencë shtypi televizive, duke shtuar se ai priste që kabineti i tij të emërohej në mes të dhjetorit.

Kryeministri i ri gjithashtu u bëri thirrje njerëzve që të vaksinohen kundër Covid-19 dhe vlerësoi stafin mjekësor mes rasteve në rritje.

Vetëm 58.5% e qytetarëve çekë janë të vaksinuar kundër koronavirusit. Mesatarja e Bashkimit Evropian është 65.8%, sipas Qendrës Evropiane për Parandalimin dhe Kontrollin e Sëmundjeve.

Zeman e kreu ceremoninë e inaugurimit nga një kabinë, pasi rezultoi pozitiv me koronavirus. Zeman, i cili erdhi në një karrocë me rrota i shoqëruar nga një mjek me pajisje të plota mbrojtëse, u infektua me virusin pas një qëndrimi gjashtë-javor në spital për një sëmundje që nuk lidhet me të.

Burimi i lajmit: The Guardian. Përshtatur nga Tirana Today

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...