Presidenti i Bylisit, Besnik Kapllanaj, ka folur pas mbledhjes në FSHF, për rifillimin e Superiores në datën 3 qershor. Ai tregoi se kriteret e vendosura, do t’i rëndojnë financiarisht.
Besnik Kapllanaj u shpreh se nuk është diskutuar pjesa financiare, por vetëm mbarëvajtja. Sipas tij, në protokoll ka disa kritere që do i shikojnë stafet. E për të, kjo do i rëndojë financiarisht.
“U gjet një rrugë e mesme dhe u vendos që në datën 3 të rikthehet kampionati dhe Kupa të luhet me vajtje-ardhje.
Të gjithë ishin dakord për të vazhduar kampionati, por po diskutohej për datën 31 dhe datën 7, kështu që ramë dakord që të vendoset data 3 dhe jemi OK të gjithë. Nuk u diskutua pjesa financiare, u diskutua vetëm mbarëvajtja.
Në protokoll ka disa kritere që do i shikojnë stafet dhe do mundohemi ti plotësojnë. Do na rëndojë financiarisht, ajo është për t’u parë”, u shpreh Kapllanaj.
