Enrique Cerezo, numri një i “Los Colchonero”, komentoi mbi gjestin e portugezit: “Ai ka ngritur vetëm tre, ata kundër nesh nuk i kanë fituar me të vërtetë”.
Triumfi i Atletico Madridit kundër Juventusit një natë më parë ka bërë që mediat spanjolle ta quajnë natë epike për skuadrën e ‘Cholo’ Simeones. Për këtë foli edhe presidentit kolçonerëve Enrique Cerezo, i cili foli për Radio Crc.
“Ishte një ndeshje e mrekullueshme, pavarësisht rezultatit të ngushtë. Simeone? Nuk i kushtoj vëmendje shumë gjestit të tij, për shkak se tensioni ishte i madh. E kuptoj dhe nuk e dënoj atë. Ndjej nevojë për të pohuar se Cholo është gjithçka për Atletico Madrid. Një sqarim i vogël: Cristiano Ronaldo nuk ka fituar pesë Champions, por vetëm tre, dy të tjerët kundër Atleticos nuk i kanë fituar me të vërtetë. Atletico ka ëndërr dhe entuziazëm për të shkuar në finale, edhe pse rruga është shumë e gjatë. Do të punojmë shumë për të arritur këtë qëllim shumë të vështirë.
“Var? Varet nga skuadra për të cilën është aplikuar, personalisht unë kam thënë pak kohë më parë që nuk më pëlqen aspak dhe do të vazhdoj ta them”, mbyll deklaratën e tij presidenti Colchonerëve. kujtojmë që finalja e Chempions League do të zhvillohet pikërisht në stadiumin e “Wanda Metropolitano”, stadiumin e Atletico Madrid.
