Mosrespektimi i minoritetit, do bëhet pengesë për Shqipërinë në rrugën drejt BE-së. Ky ka qënë mesazhi që ka përcjellë presidenti grek, pas takimit që pati me presidenten kroate.
Presidenti i Greqisë, Prokopis Pavlopoulos, ka përsëritur mesazhin se Shqipëria duhet të respektojë të drejtat e minoritetit grek, sipas të gjitha konventave ndërkombëtare.
“Ne mbështesim perspektivën evropiane. Por është e qartë edhe kërkesa për të respektuar të drejtën ndërkombëtare dhe evropiane, për të drejtat themelore të njeriut. Sjellje të tilla si ato kundër pakicës greke që cënojnë të drejtën e pronës, përbëjnë një pengesë të pakapërcyeshme në kursin evropian të Shqipërisë”.
