Presidenti finlandez telefonoi sot homologun e tij rus Vladimir Putin, për t’i thënë atij se Finlanda do të aplikonte për anëtarësim në NATO në ditët e ardhshme.
Në një deklaratë, Sauli Niinistö pohoi se i tha Putinit se si lëvizjet e fundit nga Rusia, së bashku me pushtimin e Ukrainës, “kanë ndryshuar mjedisin e sigurisë në Finlandë”.
“Biseda ka qenë e drejtpërdrejtë dhe është zhvilluar pa acarime. Shmangia e tensioneve konsiderohej e rëndësishme”, ka deklaruar Niinistö.
Rusia ka kërcënuar prej kohësh me pasoja nëse fqinjët e saj të afërt bashkohen me NATO-n, një aleancë ushtarake perëndimore e themeluar pjesërisht për të shmangur kërcënimin nga Bashkimi Sovjetik në vitin 1949.
Por Niinistö dhe kryeministri i vendit kërkuan që Finlanda të bashkohet të enjten dhe Suedia pritet gjerësisht të ndjekë shembullin në ditët e ardhshme.
Burimi i lajmit: BBC. Përshtatur nga Tirana Today
