Të shtunën, Shqipëria mund të ketë emrin e Kreut të ri të Shtetit. Partia Socialiste ka vendosur të thërrasë ditën e shtunë, seancën plenare për zgjedhjen e Presidentit të ri të vendit. Seanca pritej që të zhvillohej të hënën, por për shkak të axhendës së kryeparlamentares Lindita Nikolla e cila do të zhvillojë një vizitë jashtë vendit, seanca do të mbahet të shtunën. Më herët u raportua se ditën e premte pasdite, Partia Socialiste mbledh Kryesinë, për të diskutuar për emrin e Presidentit që do të shkojë në seancë plenare.
Rendi i ditës:
- Informacion mbi mbledhjen e kandidaturave për kryetarët e partisë në 61 bashkitë e vendit dhe procesin e mëtejshëm;
- Udhëzim mbi detyrat e të deleguarve në funksion të zbatimit të kalendarit politik të miratuar në Asamble;
- Projektvendim për miratimin e nivelit të pagave të Sekretarëve Ekzekutiv në nivel Qarku dhe Sekretarëve Ekzekutivë të partisë në nivel bashkie. Projektvendim për miratimin e nivelit të pagave të strukturës organizative të aparatit qendror të Partisë Socialiste;
- Ecuria e procedurave të zgjedhjes së Presidentit të Republikës dhe vendimmarrja e Partisë Socialiste;
- Çështje të tjera jashtë rendit të ditës. Mbledhja do të zhvillohet ditën e premte, datë 03.06.2022, ora 17:00, në Selinë e Partisë Socialiste.
