Zgjedhjet në komunën e Preshevës do të përsëriten në 6 vendvotime.
Lajmin e bëri të ditur kryetari i Komisionit Komunal Zgjedhor në Preshevë, Zeqrija Miftari, i cili tha për mediet se ky vendim është marrë në mbledhjen e fundit. Ai sqaroi se votimet do të përsëriten në 5 vendvotime në Preshevë dhe një në fshatin Caravajkë.
Sipas tij, në këto vendvotime janë regjistruar gjithsej 9.000 votues, gjë që mund të ndryshojë rezultatin e zgjedhjeve.
Sipas tij ende nuk dihet kur do të mbahet rivotimi, por ato mund të mbahen më 7 Janar të vitit 2018.
Kryetari i APN-së, Shqiprim Arifi, ka fituar zgjedhjet lokale që u organizuan në Preshevë, duke mposhtur Partinë Demokratike Shqiptare që udhëhiqet nga Ragmi Mustafa dhe Partinë për Veprim Demokratik të Ardita Sinanit.
