Nxënësit në Preshevë kanë ende mungesë të teksteve shkollore në gjuhën shqipe.
Edhe pse Presheva dominohet nga popullsia shqiptare, komuna pranon problemin e madh që hasin nxënësit me tekstet.
Lulëzim Mehmeti, ndihmës drejtor në shkollën fillore ”Ibrahim Kelmendi”, tregon se në cilat lëndë ka ende mungesë të teksteve shkollore.
Madje, për t’i zhvilluar orët mësimore, mësimdhënësit detyrohen që të huazojnë tekste të gjuhës serbe dhe t’i përkthejnë ato.
Në një prononcim për Tribuna Channel, Mehmeti tregon se kanë bërë përpjekje të vazhdueshme që njëherë e përgjithmonë që të kenë tekste të bollshme në gjuhën shqipe dhe që nxënësit të kenë me çfarë të mësojnë. Jo vetëm kaq, por Mehmeti akuzon Republikën Serbe për këto zhvatje.
Teksa çështja e mungesës së teksteve shkollore në gjuhën shqipe po kalon në problem, i cili ka kohë që është vënë në dukje, duket se komuna e Preshevës ka filluar edhe të boshatiset vitet e fundit.
