Sergio Aguero është një objektiv i mundshëm për Chelsea-n. Për sulmuesin e Manchester City-t thuhet se do që të qëndrojë në Premier League edhe nëse largohet nga skuadra e Pep Guardiolës këtë verë.
Ka qenë një sezon i keq për Agueron me dëmtime, Covid-19 dhe mungesë të formës, që do të thotë se ai ka qenë larg kulmit të tij të zakonshëm për City-n.
32-vjeçari ka startuar vetëm pesë ndeshje në të gjitha garat këtë sezon, duke shënuar vetëm tre gola, me golin e tij të parë në Premier League që erdhi fundjavën e kaluar kundër Fulhamit.
Kontrata e Agueros skadon në fund të sezonit, kur ai mund të largohet falas, dhe me Guardiolën që thuhet se ka një sulmues në krye të listës së tij të dëshirave verore, mund të jetë fundi i 10 viteve të Agueros në Etihad.
Sipas ‘Times’, megjithatë, mund të mos nënkuptojë kjo dhe fundin e kohës së tij në Angli, teksa gazeta raporton se ish sulmuesi i Atletico Madrid-it është i gatshëm të qëndrojë në ishull me një klub tjetër.
‘Daily Mail’ thotë se Chelsea është i interesuar për sulmuesin, pasi e ka dashur dhe më parë atë dhjetë vite të shkuara kur u largua nga La Liga.