Ardimir Murataj mund të cilësohet si hero për gjestin human që kreu tre ditë më parë, pasi shpëtoi dy binjaket, të cilat do i mbyste e ëma e tyre. Ai pranoi se së bashku me një person tjetër u shpëtoi jetën dy vajzave binjake, përkatësisht 6-vjeç, pasi u hodhën në lumë nga nëna e tyre, me qëllim për t’i mbytur.
Rudina Kishta, 42-vjeçe, tentoi t’i mbyste në lumë bashkë me veten, por e gjithë ngjarja fatmirësisht është parë nga i riu, i cili bashkë me një tjetër kanë ndërhyrë menjëherë dhe i kanë nxjerrë në breg.
https://tiranatoday.com/nena-donte-ti-mbyste-vajzat-binjake-i-riu-u-hodha-ne-lum-me-nje-person-tjeter/
Në një intervistë për “News 24”, ai rrëfeu ngjarjen dhe tregoi se si nëna e vendosur tentoi sërish të mbyste të bijat e mitura me duar edhe para policisë. Ai thotë se ka qenë duke peshkuar. Pasi kishin nxjerrë vajzat, 42-vjeçarja kishte tentuar edhe një herë ti mbyste ato me duar, ndonëse policia ishte prezente.
Si e përjetuat atë moment?
Unë isha duke peshkuar në lumë dhe shoh një grua me dy fëmijë që vjen në krahun tjetër te urë matanë. Duke kaluar avash, avash, u hodh direkt në lumë, njërën vajzë e kishte në krah dhe tjetrën e kapi për flokësh dhe filloi t’i zhysë. Unë kam shkuar me vrap dhe u zhyta me kokë për të kaluar në krahun matanë, ku thellësia mund të jetë më shumë se tre metra. Kam ecur me not dhe i kam hequr një gocë nga duart, ndërsa gocën tjetër e kishte kapur për flokësh dhe ka ikur pak larg. Kam ardhur me not dhe pashë që goca ishte e mbytur komplet. I kam bërë frymëmarrje artificiale, pasi e nxora nga uji dhe i shpëtova. Më pas ka reaguar edhe një peshkatar i komunitetit rom, ku ka shpëtuar gruan. Pasi doli gruaja, donte t’i mbyste fëmijët me thonj. Ne lajmëruam policinë dhe gruaja sërish tentoi të mbyste fëmijët edhe në sy të policisë.
Gruaja donte të mbytej edhe vetë?
Po normale donte të mbytej, bashkë më vajzat. Ajo u zhyt me dy fëmijët prapë.
Dëgjuat të thoshte ndonjë gjë?
Jo nuk dëgjova asgjë. Ajo thoshte fëmijët janë të mitë dhe do bëj çfarë të dua. Më lini se do i mbys. Ato ishin dy engjëj dhe ishin shumë të bukura.
Vetë vajzat kërkonin ndihmë?
Ato po qanin dhe thoshin mos më largoni nga mami. Duam mamin.
Ju si u ndjetë që patë këtë skenë?
U ndjeva i shokuar. Të shohësh dy engjëj që mbyten…
Ju për çfarë vini këtu?
Thjesht për të peshkuar, sepse jam i papunë.
