Një shqiptar është arrestuar pas një kontrolli të ushtruar në makinën e tij në autostradën gjermane A3 në afërsi të Aschaffenburgut në Bavari. Policia në mjetin e tij konfiskoi 12.9 kilogramë kokainë me një vlerë prej rreth 1.1 milion euro.
Droga ishte mbështjellë në mënyrë profesionale dhe ishte fshehur në pjesë të ndryshme të veturës. Kështu ka njoftuar të premten prokurori në Ellwangen dhe policia kriminale në Aalen.
Prej një kohe të gjatë, ata e kishin pasur nën vëzhgim shoferin shqiptar 30-vjeçar. Ai dyshohej se anëtar i një bande droge në zonën e Aalen.
Në bashkëpunim me kolegët bavarez të policisë së trafikut në Aschaffenburg, makina e shqiptarit ishte ndaluar qëllimisht. Policia i kishte pasur nën vëzhgim gjatës ditës së mërkurë lëvizjet e mjetit në autostradën A3. 30-vjeçari thuhet se kishte shkuar nga Holanda për në Aalen. Ai është arrestuar dhe ndaj tij po vijojnë proceduart.
Në rrethinën e Ludëigshafenit, ai ishte regjistruar me identitet të rremë. Shqiptari ka qenë anëtar i një bande të rrezikshme të trafikimit të lëndëve narkotike. Hetimet kundër bandës së drogës kanë vazhduar për muaj të tërë. Tre anëtarët e tjerë të dyshuar të bandës, 21 vjeç, 22 vjeç dhe 53 vjeç, janë arrestuar në shtator. Që prej asaj kohë ata po qëndrojnë në paraburgim ku janë në pritje të masës së dënimit./TIRANA TODAY/
