Interi u mposht nga Torino në javën e fundit dhe kjo ia vështirëson më shumë misionin për të zënë një vend që të çon në Champions League. Por në këtë takim ka ndodhur një episod mjaft i rëndë, ku një top i goditur me shumë forcë nga Candreva ka goditur një roje sigurie dhe e ka dëmtuar keq.
Ishte minuta e 23’ e takimit kur Antonio Candreva ekzekuton një goditje dënimi nga jashtë zone dhe topi kalon mbi traun e portë dhe përplaset në një nga rojet e sigurisë. Fillimisht ai nuk ndjeu asgjë, por në fund të takimit dhimbjet e shumta e detyruan që ti drejtohet spitalit. Pas kontrolleve të nevojshme mjekët vunë re që shpretka e 25-vjeçarit ishte dëmtuar dhe se duhet ti nënshtrohej një operacioni për ta hequr atë organ.
