“Der Spiegel”, media prestigjioze gjermane ka rrëfyer në një shkrim të gjatë çfarë ndodhte në korridoret e selisë së NATO-s në momentet e pushimit gjatë samitit mjaft të rëndësishëm të javës së shkuar.
Mes rreshtave media gjermane flet dhe për Shqipërinë. “ Ishte pothuajse mesditë dhe ishte koha që vendet e vogla të NATO-s të kishin fjalën e tyre. Ata mbështetën Merkel. Gjatë një pushimi, kryeministri i Shqipërisë, Edi Rama u takua me kancelaren gjermane. Vendi i tij ka qenë i vetmi që u lavdërua nga Trump, por ai nuk donte të krijonte përshtypjen se Shqipëria në një farë mënyre ishte bërë nxënës model i Trump”, thuhet në shkrim.
Shkrimi i “Der Spiegel” flet për marrëdhëniet mes Gjermanisë dhe SHBA-së. Por Donald Trump thotë ajo, e ka veçuar këtë vend si tragetin e favorshëm për kritika.
Ndërsa, kryeministri Edi Rama dhe Presidenti amerikan Donald Trump janë përballur për herë të parë mes tyre samitin e NATO-s që po mbahet në Bruksel.
Burime nga Kryeministria konfirmojnë se ka pasur një bisedë të shkurtër mes Presidentit amerikan, Donald Trump, dhe kryeministrit Edi Rama. Mësohet se biseda është përqëndruar në aleancën strategjike mes Shqipërisë dhe Shteteve të Bashkuara, Reformës në Drejtësi dhe luftës së përbashkët kundër ekstremizmit të dhunshëm.
Këtë takim e konfirmon edhe kongresmeni republikan i Floridës, Matt Gaetz, me anë të një letre. Ai thotë se është i lumtur për takimin mes tyre. Kongresmeni ishte në delegacionin e para një muaji që vizitoi Tiranën, e thotë se përgëzon kryeministrin për reformat.
