Ish-ambasadori amerikan në Tiranë, Aleksandër Arvizu, ka shprehur qëndrimin e tij në emisionin “Opinion”, referuar vendimit të qeverisë Rama, për refuzimin e armëve kimike. Diplomati amerikan theksoi se procesi do të ishte në duar të sigurta, dhe se me vendimin e kryeministrit Rama, Shqipëria humbi një mundësi të mirë.
“Menduam se ishte e rëndësishme t’i ofonim mbështetje Ramës, që sapo ishte zgjedhur. SHBA nuk do të kërkonin diçka të tillë, nëse nuk do mendonin se do ishte e sigurtë.
Nuk pati premtime [nga qeveria], por përpjekje. Ne zgjodhëm Shqipërinë, sepse ishin një sërë gjërash, përfshirë transportin, pajisjet, ndërsa ekspertët do vinin nga jashtë. Sipas meje, ishte një mundësi e mirë dhe e sigurtë për Shqipërinë, por ata vendosen të mos e bënin”, deklaroi Arvizu.
