Prapaskenat/ Cavani ishte pranë kalimit te Benfika, ja pse nuk u realizua

Edinson Cavani është një prej sulmuesve më të mirë në botë, dhe këtë e ka treguar me klubet e mëdha europiane. Në merkaton e verës, urugujani u largua me parametro zero nga Paris SG për të Mançester Junajtid.

Në garë për të marrë shërbimet e tij, ishin edhe skuadra të tjera, përfshirë edhe Benfikën.

Menaxheri i skuadrës portugeze, Manuel Rui Costa deklaroi se e donte Cavanin në ekip, por ai kërkonte një pagë prej 10 milion eurosh në sezon. Për Rui Costën, një 34-vjeçar si Cavani nuk mund të kërkojë shifra të tilla.

“Cavani? Ne e kemi bërë tonën. Ai donte 10 milionë rrogë, dhe për ne nuk është e arritshme. Ne arritëm deri në 7 milionë. Një lojtar pothuajse 34 vjeç nuk mund të kërkojë shifra të tilla. Me gjithë respektin për të, por sa do t’i jepnim një Batistute sot? 50 milion euro? Kam parë gazetarë që e krahasojnë me Batin, të mos bëjmë shaka. Gabrieli ishte një djalë që ngrinte peshë dhomên e zhveshjes. Ai i thyente portat. Të bënte një tripleta kundër lojtarëve si Nesta, Maldini, Thuram etj … Luante i dëmtuar, pa u ankuar kurrë dhe bëri para vetëm në moshën 29 vjeç, pas viteve te shumtë ku tregoi se kush ishte. Sot lojtarët janë kukulla në duart e menaxherëve. “Unë dua 10 milion”. Por si mund të bëhet një investim i tillë. Do të thotë që paga e të gjithë ekipit duhet të rritet.

Sidoqoftë, është edhe faji i menaxherëve dhe presidentëve. Bota e futbollit duhet t’i japë vetes një ulje të mirë, me paga fikse. A je më i forti në botë? E vërteton në fushë? Ok … 10 milion, sepse je Messi ose Ronaldo. Pjesa tjetër duhet të përshtatet, me paga të qëndrueshme për klubet. Unë shoh djem që shkojnë nga të rinjtë në ekipin e parë, dhe pas gjysmë sezoni të bërë në nivele të mira, trokasin në derë duke thënë “jam duke luajtur mirë, dua 2 milion në sezon, përndryshe do të largohem”. Si? Për ca gola dhe dy lojëra të mira? Nuk mund të ketë diçka të tillë. Ka 24 vjeçarë që marrin 7/8 milion, kjo nuk është diçka normale. Unë them që të gjithë duhet të vendosim, përndryshe futbolli është i destinuar të përfundojë shumë shpejt ”, tha ai.