Mbrëmjen e djeshme mësohet se është arrestuar Zëvendësministri i Zhvillimit Rajonal në Kosovë, Musa Cena. Ky i fundit është prangosur së bashku me dy persona të tjerë, për veprat penale “Marrje e Ryshfetit” dhe “Keqpërdorim i Pozitës apo Autoritetit Zyrtar”.
“Me datë 20.10.2018, Policia e Kosovës pas ndërmarrjes së veprimeve hetimore, ka kryer arrestimin e tre personave të dyshuar të involvuar në veprat penale “Marrje e Ryshfetit” dhe “Keqpërdorim i Pozitës apo autoritetit Zyrtar”. Sipas kodit penal te Republikës së Kosovës”, njofton policia.
Ndaj tyre pritet të vendoset masa e sigurisë gjatë ditës së sotme.
