Një biznesmen 24-vjeçar është vënë në pranga, pasi akuzohet se ka dhunuar një inspektor tatimor. Ky rast është shënuar sot, ku shtetasi Tafjon Morina ka goditur inspektorin e Tatimeve, me inicialet O.B., 32-vjeç. Gjithçka ka ndodhur pas një debati për bllokimin e aktivitetit tregtar.
Njoftimi i plotë
Goditi për shkak të detyrës Inspektorin e Hetimit Tatimor, arrestohet menjëherë nga Policia e Shtetit.
Më datë 01.07.2018, shërbimet e Komisariatit të Policisë Kavajë arrestuan shtetasin Tafjon Morina, 24-vjeç, banues në Golem, Kavajë (pronar i një subjekti).
Ai, pas një debati për bllokimin e aktivitetit tregtar, konstatuar me shkelje, ka goditur shtetasin O.B., 32-vjeç, banues në Tiranë, me detyrë Inspektor i Hetimit Tatimor.
Materialet iu referuan Prokurorisë së Rrethit Gjyqësorë Kavajë, në ngarkim të shtetasit Morina, për veprën penale “Goditja për shkak të detyrës”.
