Në kampin korçar mbizotëron qetësia dhe e gjithë vëmendja është përqëndruar tek ndeshja e së shtunës që zhvillohet në stadiumin “Skënderbej”. Tekniku Ilir Daja do të ketë në dispozicion grupin e plotë, pasi edhe Nimaga e ka kaluar problemin dhe i është bashkuar ekipit. Në stërvitjen e fundit janë hedhur edhe bazat e formacionit të mundshëm që mund të zbresë në fushë ditën e nesërme. Nuk pritet të ketë shumë ndryshime në formacion nga ajo që kemi parë në dy ndeshjet e fundit, pasi tekniku beson se këto rezultate ishin thjeshtë një rastësi si ç’mund të ndodhë me ç’do ekip. Dyshimi i vetëm është nëse duhet të inkuadrohet Nimaga nga fillimi i ndeshjes, apo duhet të vazhdojë me Ditën.
Situata është qetësuar edhe tek ‘demat’, ku grupit i janë bashkuar trajneri Iuliano dhe Krasniqi të cilit ishin të prekur nga një virozë. Duket se tekniku italian edhe në këtë ndeshje nuk do të heqë dorë nga formacioni i tij me një pikë referimi në sulm, kjo bën që të kemi një duel mes Edgar Çanit dhe Xhevahir Sukaj për një vend titullarë. Të pakta janë dyshimet për lojtarët që do të rreshtohen në fushë përballë Skënderbeut, pasi tashmë trajneri e ka krijuat bazën e ekipit.
Nga çfarë është provuar në stërvitjet e zhvilluara deri tani, ekipet pritet të zbresin në fushë me këto formacione: Skënderbeu (Shehi, Radas, Aliti, Vangjeli, Mici, Nimaga(Dita), Gavazaj, Lila, Muzaka, Xhejms, Soue)
Partizani: (Hoxha, Ibrahimi, Atanda, Malota, Kalari, Batha, Bardhi(Adorjan), La Kamera, Trashi, Herrera, Sukaj(Çani))
Në nivel trajnerësh favorit në këtë përballje duket tekniku Daja, pasi ai e njeh më mirë terrenin dhe filozofinë e futbollit shqiptarë. Por nuk ndanë të njëjtin mendim tekniku Partizanit. Tekniku Iuliano shprehet se: “nuk mendoj se ata janë favorit në këtë ndeshje, shanset për ta fituar janë 50 me 50. Ndeshja do të vendoset nga episode të caktuara apo kush do të gabojë do ta pësojë, ne shkojmë me misionin e fitores dhe e kemi përgatitur mjaft mirë këtë ndeshje.”
Favorit sa i përket historikut të përballjeve është Partizani, ku nga 113 përballje ‘të kuqtë’ kanë triumfuar 65 herë, kundrejt 20 fitoreve të korcarëve. Ndërsa 28 vdeshje janë mbyllur në barazim.
/Tirana Today
