Agjencia e lajmeve Amerikane Associated Press, publikoi lajmin në të cilën pretendohet se SHBA dhe Koreja e Veriut prej muajsh vazhdojnë të takohen pavarësisht kërcënimeve të ndërsjella.
Në lajm zbulohen dhe emrat e diplomatëve që kanë realizuar takimet.
Pavarësisht zvarritjes së tensioneve, SHBA dhe Koreja e Veriut prej muajsh kanë kryer takime të fshehta. Sipas lajmit të agjencisë së lajmeve Amerikane Associated Press, të dy vendet vazhdojnë të mbështeten në kanale diplomatike.
Sipas lajmit që mbështetet tek autoritetet amerikane, SHBA në këto takime përfaqësohet nga Joseph Yun, i cili është dhe i dërguari special në lidhje me politikat e Koresë së Veriut.
Kurse emri që merr pjesë në takime në emër të Koresë së Veriut është Pak Song II, i cili është dhe njëri nga diplomatët e nivelit më të lartë të këtij vendi në Kombet e Bashkuara. (TIRANA TODAY)
