Pak muaj na ndajnë nga evenimenti më i madh futbollistik për kombëtarët, Kupa e Botës 2022, e cila do të zhvillohet në Katar. Edhe pse në kohë pandemie, ky eveniment pritet të zhvillohet me praninë e tifozëve.
Shumë turistë do të zbarkojnë në Katar, dhe të parët që do të përballen me ta, janë rojet e sigurisë, duke kontrolluar me mirësjellje çantat e tyre në aeroport, duke i përshëndetur ata jashtë hoteleve të tyre dhe duke patrulluar në qendrat tregtare, parqet dhe stadiumet, shkruan The Guardian.
Roja i një kulle shumëkatëshe në kryeqytetin Doha, Samuel ka emigruar nga Uganda për një jetë më të mire, dhe për kushte më dinjitoze pune. Por, në një intervistë për prestigjozen britanike, ai është shprehur se nuk ka marrë asnjë ditë pushim, dhe se paguhet vetëm 1 paund në orë.
”Unë jam duke punuar 12 orë dhe nuk kam asnjë ditë pushimi. Duhet të thuash gënjeshtra, të thuash se je i sëmurë, nuk po ndjehesh mire në mënyrë që të kesh një ditë pushim”, tha ai.
Kohët e fundit, Katari deklaroi se ka ndërmarrë eforma të rëndësishme, duke përfshirë një pagë të re minimale.
Organizata Ndërkombëtare e Punës e Kombeve të Bashkuara, tha se më shumë se 400,000 punëtorë do të përfitojnë nga paga e re minimale dhe autoritetet e Katarit thonë se 100,000 persona kanë ndryshuar punë që kur u prezantuan reformat.
